Gerðu vörumerkið að goðsögn

Byggt á ítarlegum rannsóknum á sögu þekktustu vörumerkja heims sýnir Douglas B. Holt Í bókinni How Brands Become Iceons, hvernig sterkt vörumerki verður að goðsögn. Douglas B. Holt nálgast viðfangsefnið með því að sýna menningarlegar andstæður sem hafa skapast með auglýsingum í stað þess að draga fram einstaka sameiginlega þætti eins og venjan er. Í bókinni er einnig nýtt líkan sem kollvarpar hefðbundnum markaðslögmálum og tekin eru dæmi á borð við gosdrykkinn Mountain Dew og ESPN. 

Traust er undirstaða alls

Traust er hin nýja undirstaða hagkerfa samkvæmt Stephen M.R. Covey og hann sýnir hvernig traust og sá tími sem tekur að vinna traust hjá viðskiptavinum, starfsmönnum og öðrum hlutaðeigandi sé það mikilvægast í rekstri árangursríkra fyrirtækja. Í Speed of Trust er þessi nýja nálgun kynnt. Traust er undirstaða allra samskipta og viðskipta og í Speed of Trust eru leiðbeiningar um hvernig traust eru unnið á sem skemmstum tíma en sem mun vara til frambúðar.

Stefnumiðað árangursmat

Balanced Scorecard eða skorkort hjálpar til við að koma framtíðarsýn og stefnu í verk með einfaldri aðferðafræði. Skorkortið er eitt af lykilatriðunum í árangurstengdri stjórnum en skorkortið svokallaða lítur til fjögurra þátta við að meta árangur fyrirækja, þ.e. fjárhagsleg, þekking á viðskiptavinunum, innri ferlar og lærdómur og vöxtur innan fyrirtækisins. Robert S. Kaplan annar af höfundum bókarinnar er staddur hér á landi og mun flytja fyrirlestur á morgun þar sem hann ræður nýjustu bók sína Execution Premium.

Hvað þarf eiginlega að gera til að verða ráðinn?

Ef þú ert að leita að starfi núna þarftu að nýta þér allar leiðir til að ná forskoti á aðra í sömu sporum. What Does Somebody Have to Do to Get a Job Around Here? er skrifuð af reynsluboltanum Cynthia Shapiro fyrrum starfsmannastjóra og ljóstrar hún upp um helstu leyndarmálin sem liggja að baki því hvaða manneskja er ráðinn hverju sinni. Í bókinni listar hún upp 44 atriði sem eiga að hjálpa þér við að fá starfið sem þig langar til að fá.

Sinntu viðskiptavinum þínum - af alvöru

Ef þú ert ekki að vinna fyrir viðskiptavini þína þá ertu ekki að sinna starfinu þínu. Eins einföld og þessi setning hér að framan kann að hljóma þá virðist boðskapur hennar eiga erfitt uppdráttar. Í Chocolates on the Pillow Aren´t Enough miðlar Jonathan Tisch áratuga reynslu sinni af þjónustu en hann hefur verið stjórnandi í ferðamannaiðnaði. Áhersla á smáatriði og áhugi verða að vera til staðar fyrir viðskiptavini þína því  aðeins með jákvæðri upplifun færðu þá til að eiga aftur viðskipti við þig og það ánægjuleg að auki.

Snillingur í markaðsmálum

Marketing Genius eftir Peter Fisk er yfirgripsmikill en auðlesinn leiðarvísir að markaðssetningu og kemur inn á alla helstu hliðar markaðsmála. Í Market Genius finnurðu, á einum stað, svörin við öllum spurning sem viðkoma markaðssetningu í dag. Hún fjallar um allt frá samspili milli heilahvela upp í hvernig þú skapar vöntun og gerviþarfir. Í Marketing Genius eru tekin mýmörg raunveruleg dæmi sem bregða betra ljósi á skilaboðin í bókinni.

Taktu réttar ákvarðanir - alltaf

 

 

Við stöndum frammi fyrir því að þurfa taka margar ákvarðanir á hverjum einasta degi, bæði varðandi einkalíf okkur, atvinnu og heilsu og eru þessar ákvarðanir misjafnlega skynsamlegar. En er hægt að læra það að taka alltaf réttar ákvarðanir? Samkvæmt Nudge getum við hámarkað fjölda réttra ákvarðana með því að viðurkenna þá staðreynd að við séum mannleg. En samkvæmt Richard H. Thaler og Cass R. Sunstein, höfundum Nudge, getum við auðveldað rétta ákvarðanatöku með því að vita hvaða áhrif mannlegi þátturinn hefur á ákvarðanirnar. Með þessari nálgun eigum við að geta tekið betri ákvarðanir þegar kemur að hamingju, auði og heilsu.

Saga Google lygasögu líkust

 

Í vikunni fagnaði leitarvélin Google 10 ára afmæli sínu, en stofnendur þess,  Larry Page og Sergey Brin, hittust fyrst árið 1995 í stanford háskóla. Saga fyrirtækisins er mjög skemmtileg en hún er lygasögu líkust en Larry Page og Sergey Brin byrjuðu með fyrirtækið í litlum bílskúr og ári síðar eru starfmennirnir orðnir átta og flytja þarf úr bílskúrnum. Bókin Google Story veitir innsýn inn í stofnun og vöxt Google sem er í dag eitt af þekktustu fyrirtækjunum í heimi með milljónir notenda daglega.

Markaðssetning á blogginu

Öll fyrirtæki, bæði stór og smá vita að þau verða að ná beint til viðskiptavina sinna. Blog Marketing segir frá því hvernig markaðsfólk, almannatenglar, sem og lítil fyrirtæki geta nýtt bloggið til að ná beint til viðskiptavina sinna á hagkvæman og áhrifaríkan hátt. Bloggið býður upp á gagnvirka og skemmtilega leið til að koma upplýsingum á framfæri sem við þurfum öll á að halda áður en við tökum ákvarðanir um viðskipti. Bloggið eykur sýnileikafyrirtækja, getur skapað bein og betri tengsl milli fyrirtækja og viðskiptavina auk þess skapar bloggið jákvæða ímynd og sýnir að fyrirtækið sé að nýta sér mikilvægt markaðstól. Meira um þetta í Blog Marketing.

Fjárfestingar í fasteignum 101

Fasteignir eru vinsælasti fjáfestingakosturinn í dag og er mikilvægur hluti af eignasafni flestra. Í Trump Univesity Real Estate 101 lærir þú að fjárfesta í fasteignum á árangursríkan hátt og hvenær og hvernig þú eigir að skipta á fasteignum til að græða enn meiri peninga. En dæmið er ekki svo einfalt því fjármögnin skiptir öllu máli, bæði hvað varðar verðmæti eignarinnar og fjárstreymi. Ef þú vilt læra að fjárfesta í fasteignum á einfaldan og aðgengilegan hátt er Real Estate 101 bókin fyrir þig.