Mítur í hagfræði leiðréttar

Í Economic Facts and Fallacies er fjallað um algengustu staðreyndirnar sem almennt eru misskildar í hagfræði og hvernig hægt er að nálgast viðfangsefnið á réttari hátt. Fjallað er um algengar mítur sem haldið er fram bæði af stjórnmálamönnum og í fjölmiðlum á borð við ójöfnuð og vandamál dreifbýla. Lesendur þurfa ekki að hafa þekkingu á hagfræði til að skilja bókina og finnast hún skemmtileg.

Algengar blekkingar stjórnenda

Mikið af hugmyndum okkar um viðskipti eru blekkingar einar og skemma fyrir okkur raunverulegan skilning á hvernig rekstur virkar. Í bókinni Halo Effect fjallar Phil Rosenzweig um misskilning í viðskiptalífinu sem hefur áhrif á hvernig fjölmiðlar og skólar nálgast viðfangsefnið. Algengasta blekkingin er kölluð „Halo Effect“ sem er þegar salan og hagnaður eykst er álitið að stjórnendur séu góðir, starfsfólk gott og stefna fyrirtækisins til fyrirmyndar. Svo þegar illa gengur er lélegum stjórnendum, vanhæfu starfsfólki og lélegri fyrirtækjamenningu kennt um þegar í raun lítið sem ekkert hefur breyst.

Styrk stjórnun í afar erfiðu umhverfi

Í bókinni Leadership in the Era of Economic Uncertainty eftir Ram Charan er fjallað um hvernig stjórnendur eiga að leiða fyrirtæki í gegnum þá óvissutíma sem eru framundan. Bókin kemur inn á alla þætti í rekstri fyrirtækja sem snerta starf æðstu stjórnenda. Lestu, lærðu, notaðu og sigraðu eru einkunnarorð bókarinnar. Leadership in the Era of Economic Uncertainty bendir á að einungis þeir sem bregðist rétt við í núverandi aðstæðum komi til með að lifa af. Nauðsynlegt er að taka ákvarðanir fljótt og örugglega þrátt fyrir að þær geti verið sársaukafullar til skemmri tíma.

Látum þetta allt virka

 

Making It All Work er ný bók eftir Dave Allen sem er þekktur fyrir „Getting Things Done“ tímastjórnunarkerfið sitt. Árið 2001 gaf Dave Allen út bók sína Getting Things Done sem fjallar um mjög árangursríkt tímastjórnunarkerfi. Hér heldur Dave Allen áfram þar sem frá var horfið í fyrri bókinni og sýnir hvernig hægt er að hámarka árangur sinn með því að skipuleggja tíma sinn allt frá sumarfríinu til starfsvettvangs.

Fjölmiðlakóngurinn Ted Turner

Í Call Me Ted segir fjölmiðlakóngurinn Ted Turner frá skrautlegri ævi sinni en hann stofnaði fréttastöðina CNN sem var fyrsti miðillinn sem bauð upp á fréttaefni allan sólarhringinn og olli stöðin straumhvörfum í fjölmiðlun. Ted Turner hefur alla ævi fylgt ráðlegginum föður síns um að fara snemma að sofa, vakna snemma, vinna eins og skepna og auglýsa. Ted Turner hefur ekki einungis brennandi áhuga á fjölmiðlum því hann er talinn vera stærsti einstaki landeigandi í Bandaríkjunum og hefur einnig unnið heimsmeistarkeppni í siglingum.

Markaðssetning á Facebook

Facebook Marketing er leiðarvísir að því hvernig ber að nota samskiptatólið Facebook til markaðssetningar á vörum eða þjónustu eða nánast hverju sem eru. Steven Holzner höfundur bókarinnar segir að Facebook sé mest ört vaxandi markaðstól sem fyrirfinnst í dag en þar virki ekki hefðbundnar leiðir við markaðssetningu. Óháð því hvernig viðskipti þú stundar getur þú nýtt Facebook á áhrifaríkan hátt. Ekki skemmir heldur fyrir að hægt er að ná ansi langt í markaðssetningu á Facebook án þess að það þurfi að kosta háar upphæðir.

Janúar fréttabréf Skuldar

Janúar fréttabréf Skuldar er komið út þar sem meðal efnis er:

·         Bestu bækur ársins 2008

 

·         Outliers eftir Malcolm Gladwell bók mánaðarins í bókaklúbbi Skuldar sem jafnframt var valin besta bók ársins 2008

 

·         Nýr bókaklúbbur með áherslu á mannauðsmál farinn í loftið

 

·         Skuld mælir með

 

·         Mest seldu bækurnar í Skuld

 

Hér má nálgast fréttabréfið á pdf formi: http://bokabudin.is/frettabref/jan2009.pdf

Þeir sem vilja gerast áskrifendur að fréttabréfi Skuldar vinsamlegast sendið tölvupóst á netfangið: [e-mail]

Hafðu áhrif á ákvarðanir

Þegar við tökum ákvarðanir teljum við okkur trú um að við séum við stjórnvöllinn. Bókin Predictably Irrational eftir Dan Ariely fjallar um það gagnstæða, þ.e. alla þá hluti sem stjórna ákvörðunum okkar. Ákvarðanir á borð við kaffidrykkju, megrun, bílakaup til vals á maka eru meðal umfjöllunarefnis bókarinnar. Predictably Irrational var af mörgum valin ein af bestu viðskiptabókum ársins 2008.

Sögur mikilla hugsuða

Skoðnair, starf og líf þekktustu hugsuðu á sviði hagfræði er umfjöllunarefni The Worldly Philosophers sem tekin er saman af Robert L. Heilbroner.  Fjallað er um spekinga á borð við Adam Smith, Karl Marx og John Maynard Keynes. The Worldly Philosophers er klassískt rit sem tekur lesandann aldir aftur í tímann og með því getur hann betur skilið nútímann. Bókin minnir einnig á að ekki má líta framhjá félagslegum og stjórnmálalegum öflum þegar samfélög eru skoðuð út frá hagfræðikenningum.

Þegar snilldin brást

When Genius Failed eftir Roger Lowenstein fjallar um ris og fall vogunarsjóðsins Long-Term Capital Management. Talið var að Long-Term Capital Mangament væri fremstur meðal vogunarsjóða þegar hann var stofnaður árið 1993 og starfsfólk hans og tengsl þóttu bera af. En fjórum árum síðar var tap sjóðsins svo gríðarlegt að það hrikti í stoðum stærstu bankanna á Wall Street og í raun í öllu fjármálakerfinu. Í dag er nafn Long-Term samofið fjármálakrísum.