Um þvælu

On BullShit eftir Harry G. Frankfurt er um þvælu, sem er helsta einkenni menningar okkar og hvernig allir virðast vita af því og samþykkja hana. Hér eru skilgreint hvað þvæla er, hvers vegna hún er til staðar og hvers vegna allir sætta sig við það. Einnig fjallar Harry G. Frankfurt um muninn á lygum og þvælum og veltur fyrir sér hvers vegna við þrífumst á þvælu. Frábær lesning sem er mjög viðeigandi um þessar mundir.  

Ævi Warren Buffett, frá hans eigin sjónarhóli

„Lífið er eins og snjóbolti, mikilvægast er að finna blautan snjó og mjög langa brekku,“ segir Warren Buffet. Í þessi spakmæli sækir Alice Schroeder, höfundur ævisögu eins af ríkustu mönnum heims, titilinn The Snowball. Warren Buffett hefur verið einn umtalaðasti fjárfestir síðustu ára og áratuga og fylgjast fjárfestar um allan heim grannt með hverju skrefi hans. Mikið hefur verið skrifað um fjárfestingastefnu Warren Buffett en enginn hefur kafað dýpra líkt og gert er í The Snowball. Þar er farið inn á heimspekina sem liggur að baki fjárfestingastefnu Warren Buffett, sem rekja má til flókins persónuleika og atvika í lífi Spámannsins mikla frá Omaha, sem hann segir sjálfur frá nú í fyrsta skipti.

Þörfin fyrir breytingar þarf að vera öllum ljós

Fyrsta skrefið að árangursríkum breytingum er að sýna fram á nauðsyn þeirra og fá starfsfólk til að sjá og finna raunverulega þörf fyrir breytingar. En af hverju að einblína á þörfina? Í Sense of Urgency heldur John Kotter því fram að án þarfarinnar séu breytingar dæmdar til að mistakast frá upphafi. Raunveruleg þörf heldur fólki ákveðnu í að halda áfram og sigra, núna. Starfsmenn mæta til vinnu daglega staðráðnir í því að áorka einhverju mikilvægu og sinna ekki óþarfa verkefnum til að vinna hraðar og af meiri árangri enda sjá þær tækifærin sem breytingarnar hafa í för með sér. A Sense of Urgency er eftir John Kotter sem er þekktur fyrir bækur sínar, Leading Change, Heart of Change og Our Iceberg is Melting sem fjalla allar um árangursríka breytingastjórnun. 

Ástæður hamfaranna

Hamfaraástand ríkir nú á alþjóðlegum fjármálamörkuðum vegna undirmálslána í Bandaríkjunum. Hvað gerðist nákvæmlega, hvernig gat þetta gert og síðast en ekki síst, hvernig getum við komið í veg fyrir að þetta gerist aftur? Mark Zandi svarar öllum þessum spurningum í nýrri bók sinni, Financial Shock á skipulagðan, nákvæman og einfaldan hátt. Zandi byrjar á því að greina helstu ástæðurnar, t.d. hvers vegna fólk vill eignast íbúðarhúsnæði og hvaða mistök Alan Greenspan gerði. Einnig fjallar Financial Shock um hvernig netið breytti lánamarkaðnum þannig að óábyrgir lánendur gátu vaxið hratt á kostnað þeirra ábyrgu. Í bókinni er einnig ráð fyrir fjárfesta, til að koma auga á vaxandi bólur, stjórnvöld, sem verða að hafa meiri yfirsýn og almenning, sem verður að lifa af næstu ár.

Veröldin er sveigð

Hvernig olli tiltölulega lítið vandamál í íbúðalánum í Bandaríkjunum nánast hruni í fjármálakerfi heimsins? Í The World is Curved er framangreindri spurningu svarað og bent á þau vandamál sem hafa komið upp á yfirborðið í kjölfarið. Einnig er því lýst hversu mikil áhætta felst í umhverfinu sem við búum í núna og hvers vegna lán koma til með að verða vandamál framtíðarinnar. Fjármálakerfi alheimsins hefur skapað hjarðhegðun sem gæti haft mjög alvarleg áhrif á alla, ekki eingöngu Wall Street. Bókin lýsir nýrri heimsmynd í fjármálmálum og hvers vegna Tony Soprano hefur áhrif í Kína, hvernig húsmæður í Japan hafa tekið stjórnina í fjármagnsflæði landsins og hvernig erlendir sjóðir frá Kína, Rússlandi, Sádi Arabíu og Dubai eru slæmir en við getum ekki lifað með þeim né án.

Hvað getum við lært af kreppunni 1907?

Kreppan árið 1907 og sú kreppa sem við göngum í gegnum núna eiga margt sameiginlegt og þess vegna hefur bókin The Panic of 1907 náð miklum vinsældum um þessar mundir. Mikil tengsl milli fjármálafyrirtækja varð til þess að vandamál eins varð vandamál allra. Lána- og lausafjárkrísa lét á sér kræla og Wall Street var uppruni alls ills í hugum margra.

Kreppur krufðar

Sagan getur alltaf kennt okkur eitthvað og í þessari sögulegu upprifjun á fjármálakreppum gefst okkur tækifæri til læra af fyrri kreppum. Í Manias, Panics and Crashes er því lýst hvernig óstjórn peninga og lána hefur leitt til fjármálalegs hruns í gegnum aldirnar. Í þessari bók er sagt frá fasteignabólunni í Sviþjóð, Noregi og Finnalandi í lok níunda áratugarins. Manias, Panics and Crashes segir einnig frá eignabólunni sem myndaðist milli 1985 og 2000 í Japan og öðrum löndum Asíu að ógleymdri netbólunni um 2000.

Erfiðu starfsfólki stjórnað á árangursríkan hátt

From Difficult to Disturbed er leiðarvísir fyrir stjórnendur um hvernig eigi að stýra og hlúa að erfiðu og ósamvinnufúsu starfsfólki. Sérhver vinnustaður er hópur ólíks fólks sem þarf að vinna saman sem ein heild og því getur hegðun eins bitnað á öllum vinnustaðnum. Í bókinni er farið í hvers vegna er mikilvægt fyrir stjórnendur að vera vakandi um ástæður erfiðrar hegðunar, til að hægt sé taka á vandamálinu á réttan, upplýstan og yfirvegaðan hátt.

Svo komum við að endalokunum

 Then We Came to the End fjallar um líf á auglýsingastofu þar sem mórallinn er ekki upp á sitt besta og samstarfsfélagarnir eru misjafnlega skemmtilegir. Einn þykist alltaf vita allt best, öðrum var veitt stöðuhækkun og stjórnar því með harðri hendi en rekstur stofunnar gengur ekki eins og skyldi. Flestum virðist standa á sama þar til einum starfsmanni er sagt upp og allir átta sig á því að þeir gætu verið næstir. Skemmtileg og fyndin skáldsaga um lífið á vinnustaðnum sem virðist í grunninn alltaf lúta sömu lögmálum.

Blekkingarvefur afhjúpaður

Árið 2002 útskýrði David Einhorn, forstjóri vogunarsjóðsins Greenlight Capital opinberlega hvers vegna hann hefði veðjað á að hlutabréf í Allied Capital myndu lækka, þ.e. tekið svokallaða skortstöðu og upphófst þá atburðarás sem ekki sér enn fyrir endann á. Til að byrja með reyndi Allied svokallað spunastríð gagnvart Einhorn og m.a. skoðaði Fjármálaeftirlit Bandaríkjanna hvort Einhorn væri að reyna að hafa ólögleg áhrif á verðmyndun í Allied Capital. En eins og Einhorn bendir á í Fooling Some of the People, All of the Time voru skjöl Einhorn sem staðfestu orð hans ekki skoðuð. Sex árum og mörgum yfirheyrslum síðar heldur Einhorn því enn fram að Allied Capital stundi ekki heiðarleg viðskipti og gagnrýnir hann bæði regluverkið, stjórnmálamenn, fjölmiðlamenn og fjármálamarkaði fyrir að láta lygar viðgangast. Mjög góð lesning sem á vel við núna.