Við erum í sama liði, af hverju spilum við ekki saman?

The Five Dysfunctions of a Team fjallar um helstu ástæður þess að fólk vinni ekki saman sem ein liðsheild þrátt fyrir að vinna hjá sama fyrirtæki eða að sama málstað. Í bókinni er sagt frá tilbúnum samskiptum nýs forstjóra og framkvæmdastjórateymis fyrirtækis en Patrick Lencioni, höfundur The Five Dysfunctions of a Team, heldur því fram að hann nái betur til lesenda með því að búa til sögusvið og persónur. Skilaboðin, að það mikilvægasta fyrir hvert fyrirtæki sé að skapa eina liðsheild, komast vel til skila í þessari lifandi frásögn og ættu allir að kannast við vel flestar ef ekki allar persónurnar í bókinni úr eigin vinnuumhverfi.