Nýsköpun fyrir konur

Bókin Real You Incorporated er leiðarvísir fyrir konur sem vilja virkja frumkvöðlakraft sinn og læra að markaðssetja hann. Lesendur eru hvattir til að finna hjá sjálfum sér hvað þeir virkilega vilja og þrá og koma því svo í söluvænar umbúðir. Real You Incorporated gefur skýrar leiðbeiningar fyrir konur sem vilja finna góð tækifæri og ná árangri til lengri tíma

Temdu þér hugmyndaauðgi

Allt sem þarf til að vera skapandi er viljinn til að gera það að vana. Góðar hugmyndir koma með undirbúningi og vinnu óháð persónuleika. Hvort sem þú ert málari, tónlistarmaður eða einstaklingur sem vill skapa eitthvað eru útskýrðar 32 leiðir í The Creative Habit eftir Twyla Tharp um hvernig fólk temur sér hugmyndaauðgi.

Stattu af þér erfiða tíma

How to Prosper in Hard Times er samantekt á mikilvægustu skilaboðum fremstu rithöfunda á sviðum hvatningabóka. How to Prosper in Hard Times inniheldur sannleiksmola sem gott er að rifja upp reglulega til að tileinka sér hugsunarhátt sigurvegara. Ýmis skilaboð felast í textanum, t.d. á borð að árangur sé byggður á vinnu og allir gera einhver mistök, allir séu frábærir og eiga að gera það sem þeir þrá. Allir geta allt þrátt fyrir að þeir séu eingöngu með viljann að vopni. Ef þú sigrast á sjálfum þér sigrarðu lífið og það sem hindrar flesta eru þeirra eigin hugsunarháttur sem mikilvægt er að breyta ef hann kemur í veg fyrir árangur.

Rokk og ról snýst líka um viðskipti

Í Bumping Into Geniuses fjallar fyrrverandi umboðsmaðurinn og plötuútgefandinn, Danny Goldberg, um hvernig rokk og ról stýrist að mikla leyti af peningahagsmunum og blandar inn í frásagnir af góðum partýum og tónleikum í anda rokks og róls. Einnig fjallar hann um hvað veldur því að sumir meiki það og aðrir ekki, óháð gæðum og hæfileikum og hversu mikið ímyndin skiptir máli í rokki og róli. Danny Goldberg hefur unnið með hljómsveitum allt frá Led Zeppelin til Nirvana og segir hér reynslusögu sína eftir áratugareynslu af rokk og ról iðnaðinum. Einnig segir hann frá hljómsveitum sem upphaflega aðhylltust öðrum tónlistarstefnum en tóku upp rokk og ról til að elta peningana.

Jákvæð hugsun sigrar allt

Sjaldan er góð vísa of oft kveðin eins og sannast með boðskap bókarinnar, The Power of Positive Thinking sem hefur selst í yfir fimm milljónum eintaka. Lærðu að hugsa jákvætt og  horfa á björtu hliðarnar því þá leysist úr læðingi orka sem kemur þér áfram á þann stað sem þú vilt vera í lífinu. Með réttu hugarfari geturðu betrumbætt eða breytt aðstæðunum sem þú ert í núna og haft stjórn á umhverfinu í stað þess að stjórnast af því.  

Gefið og þér munið þiggja

Flestum finnst mikil þversögn felast í þeim orðum að lykillinn að árangri felist í því að gefa en á móti kemur að það gengur ekki öllum vel. The GO-Giver fjallar um Joe sem þráir ekkert heitara en að ná árangri í lífinu en alveg sama hversu mikið hann leggur á sig hann virðist alltaf fjarlægjast markmiðum sínum. Joe þiggur ráðleggingar hjá manni sem kynnir hann fyrir fólki sem hefur náð markmiðum sínum en ekki með því að þiggja heldur með því að gefa og fylgja eftir fimm lögmálum sem Go-Giver fjallar um. Með því að auðga líf annarra hafa þeir náð markmiðum sínum. Gefið og þér munið þiggja.